Шашыраңқы склерозы бар науқастарға көмек көрсету қоры

АРҚАҢЫЗДЫҢ АУЫРҒАНЫН БАСУҒА АРНАЛҒАН 6 ЖАТТЫҒУ

1.Теңіз жұлдызы
Жұмыстан шаршап келдіңіз бе? Сіз жай демалып қана қоймай, өзіңіздің арқаңызға көмектесе аласыз! Ол үшін жай еденге жатыңыз да, қол-аяқтарыңызды жан-жаққа тастап, осы қалыпта біраз жатыңыз.
Содан кейін бұрау жаттығуларын жасасаңыз жағымды әсер аласыз: қолдарыңыз бен иықтарыңызды бір жаққа қарай, сандарыңызды - екінші жаққа қарай бұрыңыз. Сосын бастапқы қалыпқа оралып, дәл сол жаттығуды екінші жаққа қарай жасаңыз. Бәрін өте баяу және денені босатып орындаңыз!


2.Жатқан тас
Тағы да еріншектерге арналған жаттығу! Оны орындау үшін сізге орындық қажет.
Еденге, мүмкін болса кілемге жатыңыз, аяқтарыңызды орындыққа қойыңыз. Бұл жаттығу бүкіл денеңіздің қан ағымын қалпына келтіруге көмектеседі, бұл ретте арқаңыз күні бойғы жүктемелерден демалып алады.


3.Иілгіш жылан
Адамның дастығы оның омыртқасының қозғалғыштығымен анықталады. Бұл жаттығудың негізіне иілгіштігімен ерекшеленетін жануар – жыланның мінез-құлқы жатқызылған. Бұрынғы заманжа данышпандар табиғатты бақылап отырып, өз жаттығуларында аңдардың белгілі бір позаларын қолданған. «Иілгіш жылан» — йоганың позасы, бірақ уайымдама, бұл жаттығуды кез келген адам жасай алады.
Жай етпетіңнен жат, башпайларыңды еденге тіре де, денеңді қолыңа тұрып барынша жоғары көтер. Ең бастысы, бұлшықеттеріңнің ширағанын сезінуің керек, бірақ асыра сілтеп жіберуден сақтан.


4.Эмбрион
Өзіңді қайтадан ана құрсағында жатқандай сезін – эмбрион қалпында жат. Ол үшін шалқаңнан жат, аяқтарыңды бүгіп ал да, құшақтап ішіңе қарай тарт.
Осы қалыпта 30 секундтан 1 минутқа дейін жат. Бұл жаттығуды сүйікті сериалыңды көріп отырып жасасаң болады. Бірақ бұл жағдайда еденге жату керек.

5.Бұрышқа тұру
Бұл жаттығудың басты мақсаты барлық бұлшықеттерді босаңсыту болып табылады. Мұндай «төбешікті» жасау үшін саған фитбол қажет болуы мүмкін. Алайда егер ол болмаса, диванның немесе орындықтың арқалығын пайдалануға болады.

6.Аяқтарды орау
Бұл жаттығу алдыңғы жаттығуларға қарағанда қиындау, бірақ оны жасау үшін де дененің дайындығы аса қажет емес және оны кез келген адам орындай алады.
Шалқаңнан жат, бір аяғыңды бүгіп, екінші тізеңнің астына қой. Астыңғы аяғыңды ұстап ал да, үстінде жатқан аяғыңды көтеріп отырып, өзіңе қарай тарт. Осы қалыпта аз уақытқа, ең болмағанда жарты минут тұр. Жаттығуды әр аяғыңмен сегіз рет жаса.